10-12 апрельдә Мәскәүдә, Сколково Инновация үзәге базасында XXXII Халыкара ветеринария конгрессы булып узды.

Ветеринария конгрессы – ел саен үткәрелә торган вакыйга, ул бер мәйданчыкта гамәли ветеринария табибларын, фармацевтика компанияләре вәкилләрен, ветеринария практикасы өчен махсус җиһазлар җитештерүчеләрне берләштерә. Конгресс лекорлары ветеринария медицинасының актуаль темаларына докладлар белән чыгыш ясыйлар, үзләренең практик тәҗрибәләре белән уртаклашалар, төрле мастер-класслар үткәрәләр.

Казан ДВМАсеннән хирургия, акушерлык һәм вак хайваннар патологиясе кафедрасы доценты Наҗия Шәмсетдинова, анатомия, патологик анатомия һәм гистология кафедрасы ассистенты Фаина Нехайчик һәм ветеринария медицинасы факультеты студентлары катнашты.

Конгресста катнашучыларның барысы да ветеринария терапиясе, хирургия, онкология, нефрология, дерматология һәм башка дисциплиналар өлкәсендә үзләрен кызыксындырган лекцияләрне тыңладылар.

12 апрельдә конгресс кысаларында студентлар, аспирантлар һәм яшь галимнәр арасында «Көмеш микроскоп» Милли премиясе булып узды. Казан ДВМАсен ВМФның 2 курс студенты Тимур Спичков һәм беренче ел аспиранты Карина Николаева тәкъдим итте. Алар үз докладлары белән  лаеклы чыгыш ясадылар һәм катнашучы дипломын алдылар.