Октябрь аенда ветеринария медицинасы факультеты студентлары белән танылган татар шагыйре, Советлар Союзы Герое, Ленин премиясе лауреаты, Бөек Ватан сугышының легендар каһарманы Муса Җәлилнең музей-фатирында булдык. Музейдагы экспонатлар шагыйрьнең тормышына, иҗатына, батырлыгына багышланган. Экспозициядә шагыйрьнең фоторәсемнәрен, хатларын, грамоталарын, биографик һәм иҗади характердагы кулъязмаларын, шәхси эйберләрен, әсәрләренең басмаларын күрергә мөмкин.