4 декабрьдә Казан дәүләт ветеринария медицинасы академиясенең конференц-залында академия ректоры, профессор Рөстәм Равиловның чыгарылыш курсы аспирантлары һәм аларның фәнни җитәкчеләре белән очрашуы булды.

Очрашуның максаты кандидатлык диссертацияләре өстендә эш барышы һәм аларның төгәлләнү дәрәҗәсе, публикацияләр саны һәм яклауга чыгу планнары турында фикер алышу иде.

Очрашуда шулай ук фәнни эшләр буенча проректор, профессор Асия Ежкова, аспирантура бүлеге мөдире Земфира Хәмитова һәм аспирантларның фәнни җитәкчеләре катнашты.

Өченче ел уку аспирантлары үзләренең фәнни эшләренең ни дәрәҗәдә әзер булуы турында сөйләделәр. Аспирантларның фәнни җитәкчеләре яклау сроклары һәм яклау планнары турында хәбәр иттеләр.

Очрашу нәтиҗәле узды, академия ректоры йомгак ясап, диссертацияләр өстендә эшне вакытында тәмамлауның мөһимлеген ассызыклады.