2024 елның 20, 21 ноябрендә ветеринария медицинасы факультетының 1 курс студентлары (101, 102, 103, 104 төркемнәр) Муса Жәлилнең музей-фатирында булдылар. Экскурсияне чит телләр кафедрасы доценты Гөлзидә Якупова оештырды.

Муса Җәлил (1906-1944) – күренекле татар шагыйре, Советлар Союзы Герое, Ленин премиясе лауреаты. Экспозиция шагыйрьнең Казандагы тормышына, иҗатына һәм батырлыгына багышланган. Биредә аның фоторәсемнәре, хатлары,  грамоталары, биографик һәм иҗади характердагы кулъязмалары, шәхси әйберләре, әсәрләренең басмалары урын алган.

Ул – “Моабит дәфтәрләре”, “Хат ташучы”. “Алтынчәч”, һ.б. әсәрләр авторы.