Бүген Казан ДВМА ректоры, профессор Рөстәм Равилов Kazan Digital Week – 2024 халыкара форумын ачу тантанасында катнашты. Чара «Казан Экспо» ХКЗ мәйданчыгында уза.

Kazan Digital Week форумы инде бишенче тапкыр уздырыла (онлайн һәм офлайн форматта). Бу вакыт эчендә ул үзен мөһим дәүләт карарларын тормышка ашырганда эшлекле җәмгыять белән элемтә каналы буларак күрсәтте. Быел форумда Россиядән, якын һәм ерак чит илләрдән 16 меңнән артык кеше, шуларның 600е спикер сыйфатында катнаша.

4 мең кв. м мәйданлы күргәзмә экспозициясендә 140тан артык стенд тәкъдим ителгән, аларда 200дән артык алдынгы ИТ-компания үз карарларын күрсәтәчәк. Форум кысаларында 100 дән артык чара узачак, алар арасында Россия цифрлы үсеш, элемтә һәм массакүләм коммуникацияләр министрлыгының стратегик сессияләре, конференцияләр һәм секцияләр, конкурслар.

Форумда Россия Федерациясенең Цифрлы үсеш, элемтә һәм массакүләм коммуникацияләр министры Максут Шадаев, РФ транспорт министры урынбасары Дмитрий Баканов, Президент урынбасары — ВТБ банкы идарәсе рәисе Вадим Кулик, «Лаборатория Касперского» АҖ генераль директоры Евгений Касперский, статс-секретарь — РФ мәдәният министры урынбасары Жанна Алексеева һәм башка рәсми затлар катнашты.

Форумда катнашучыларга видео сәламләү сүзен Россия Хөкүмәте рәисе Михаил Мишустин юллады.

Пленар утырышның модераторы Россия журналисты, «Россия-24» каналында мәгълүмати программалар алып баручы Дмитрий Щугорев булды.

Россия Федерациясе Цифрлы үсеш, элемтә һәм массакүләм коммуникацияләр министры Максут Шадаев сәламләү сүзендә билгеләп үткәнчә, Kazan Digital Week гадәттәгечә кызыксыну уята. Ул ассызыклаганча, биредә ИТ өлкәсендә төп эшләүчеләр бар, һәм форум мәйданчыгы яңа планнар билгеләргә һәм мөһим темалар турында фикер алышырга мөмкинлек бирә.

Татарстан рәисе Рөстәм Миңнеханов, форумның пленар утырышында чыгыш ясап, чараны уздыруда ярдәмнәре өчен Россия Федерациясе Хөкүмәтенә, Россия Федерациясе Цифрлы үсеш, элемтә һәм массакүләм коммуникацияләр министрлыгына рәхмәт белдерде.

Рөстәм Нургалиевич форумда катнашучыларның барысына да эшләрендә уңышлар теләде. Ул форум мәйданчыгында уртак эш иң яхшы тәҗрибәләр белән танышырга, илебез сәнәгатен һәм фәнен үстерүгә юнәлдерелгән алга китеш юлларын эшләргә ярдәм итәчәгенә ышаныч белдерде.