6 сентябрьдә профессор И. Н.Никитинның 90 еллыгына багышланган тантаналы чаралар булып узды. Юбилейга Иван Николаевичның укучылары, хезмәттәшләре, академия хезмәткәрләре, студентлар җыелды.

Юбилярга багышланган фәнни конференцияне академия ректоры, профессор Рөстәм Равилов ачты. Ул юбилярны җылы котлады һәм катнашучыларны сәламләде, Иван Николаевичның академия өчен дә, бөтен илебез өчен дә аерым казанышларын билгеләп үтте. Аннары Рөстәм Хәмәт улы аңа «КДВМА алдындагы казанышлары өчен» медален тапшырды.

Татарстан Республикасы Авыл хуҗалыгы һәм азык-төлек министры урынбасары Гөлүс Баязитов Иван Николаевичка ныклы сәламәтлек һәм уңышлы эш теләде, аспирантурада укыган һәм кандидатлык диссертациясен әзерләгән елларда академиядә бергәләп эшләве турында сөйләде. Аның фәнни эшләнмәләренең җитештерүгә ничек ярдәм итүен аерым билгеләп үтте.

Татарстан Республикасы Министрлар Кабинетының Баш ветеринария идарәсе башлыгы урынбасары Илдар Нагуманов Иван Николаевичны истәлекле дата белән котлады. Конференциядә катнашучыларга республика дәүләт ветеринария хезмәтенең академия белән, аерым алганда, Иван Николаевич белән хезмәттәшлеге турында сөйләде.

Казан ДВМА югары белем бирү федераль дәүләт бюджет мәгариф учреждениесе галим секретаре Никита Николаев үзенең докладында Иван Николаевичның тормыш юлы турында сөйләде. Ә югары белем бирү федераль дәүләт бюджет мәгариф учреждениесенең ветеринария эшен оештыру кафедрасы мөдире Елена Трофимова «Казан ветеринария икътисадчылары мәктәбе» доклады белән чыгыш ясады.

Котлау сүзләре белән Марий–Эл Республикасы Ветеринария комитетыннан Альбер Сабирьянов, Удмурт ДАУ югары белем бирү ФДБМУнең анатомия һәм физиология кафедрасы профессоры Геннадий Бурдов, югары һөнәри белем бирү ФДБМУнең ветеринария эшен оештыру, икътисад һәм идарә итү кафедрасы мөдире Дмитрий Орехов, югары һөнәри белем бирү ФДБМУның ветеринария кафедрасы мөдире Дмитрий Померанцев, Көнбатыш Казахстан инновацион-технологик университетының ветеринария һәм техносфера куркынычсызлыгы кафедрасы профессоры Каламкас Кейкиева һәм башка кунаклар чыгыш ясадылар. Юбилярга карата бик күп котлау сүзләре һәм теләкләр яңгырады. Укучылары Иван Николаевич белән бергәләп кандидатлык һәм докторлык диссертацияләрен әзерләгән елларда эшләгәннәрен искә төшерделәр. Тантаналы чара истәлеккә бергәләп фотога төшү белән тәмамланды.