17 январьда Казан дәүләт ветеринария медицинасы академиясендә «ветеринария» белгечлеге буенча өстәмә һөнәри һәм читтән торып белем бирү факультетын тәмамлаучыларга дәүләт йомгаклау аттестациясенең чыгарылыш квалификация эшләрен яклау буенча комиссия эшли башлады. Комиссия составына академия ректоры, профессор Рөстәм Равилов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, «Казан шәһәре дәүләт ветеринария берләшмәсе» ДБУ начальнигы Тимур Галеев, шулай ук академиянең кафедра мөдирләре керде.