5 июньнән 9 июньгә кадәр терапия һәм рентгенология белән клиник диагностика кафедрасы доценты Булат Тамимдаров юниорлар арасында «Ветеринария» компетенциясе буенча «Профессионалы»-2024 һөнәри осталык буенча Бөтенроссия чемпионатының йомгаклау «төбәк — ара» этабында эксперт-укытучы сыйфатында катнашты. Чара Бөек Новгород шәһәрендәге Новгород агротехник техникумы базасында узды.

Татарстан Республикасы исеменнән Буа муниципаль районы академик Р.З. Сәгъдиев исемендәге урта гомуми белем бирү мәктәбенең 10 сыйныф укучысы Азат Галиев чыгыш ясады. Чемпионатта катнашучылар куянны һәм кошны клиник тикшерү, хирургик җепләр салу, сөт һәм үсемлекләрдән алынган продуктларны ветеринария-санитария экспертизасы, микробиологик тикшеренүләр буенча үзләренең һөнәри күнекмәләрен күрсәттеләр. Катнашучы эксперт-укытучылар конкурсантларның эшенә объектив бәя бирделәр һәм иң көчле катнашучыларны ачыкладылар.