2024 елның 24 апреле

Бүген Казан ДВМА ректоры, профессор Рөстәм Равилов Әлмәткә эш сәфәре белән килде, анда ул алдынгы инженерлык мәктәпләре җитәкчеләре белән семинар-киңәшмәдә катнаша.

Чара «Югары нефть мәктәбе» фәнни-белем бирү үзәге мәйданчыгында уза. Киңәшмәне оештыручы – «Социоүзәк» ФДАФУ. Семинар-киңәшмәнең модераторы – Россия Федерациясе Фән һәм югары белем министры Валерий Фальков.

Чарада илнең технологик суверенитетына ирешү өчен кадрлар әзерләү перспективалары, алдынгы инженерлык мәктәпләре белән идарә итү системасы, мәктәпләрнең бизнес белән үзара бәйләнеше, талантлы яшьләрне язуга җәлеп итү инструментлары турында фикер алышалар. Семинарда катнашучылар арасында алдынгы инженерлык мәктәпләре вәкилләре, югары уку йортлары ректорлары, хакимият органнары һәм югары технологияле компанияләр вәкилләре бар.

“Бездә зур масштаблы проект тормышка ашырыла – бу алдынгы инженерлык мәктәпләре, — диде семинарда чыгыш ясаганда Валерий Фальков. – Ул гади мәсьәләне хәл итүгә, югары квалификацияле инженерлар әзерләүгә юнәлдерелгән һәм без үз алдыбызга инженерлык белемен үзгәртү бурычын куябыз».

Ни өчен бу трансформация кирәк дигән сорауга җавап биреп, Россия Фән һәм югары белем министры: «Чөнки инженерлык төшенчәсе үзе җитди үзгәрешләр кичерә, яшәеш бик тиз үзгәрә, без яңа технологик үзгәрешләр алдында торабыз», диде.

Валерий Фальков сүзләренчә, бүген бу проблеманың әһәмиятле нюанслары хакында сөйләшергә мөмкинлек бар.

Нәкъ менә шул сәбәпле, башта алдынгы инженерлык мәктәпләре проекты, ә бераз соңрак – илдә югары белем бирү системасын үзгәртүгә юнәлдерелгән масштаблырак проект эшли башлады.

Һәрхәлдә, без бер максатка омтылабыз, безнең бурыч — Россиядә инженерлык белемен дөньяда иң яхшылардан итү өчен үзгәртеп кору, дип белдерде Валерий Фальков.