19 гыйнварьда Казан ДВМА ректоры, профессор Рөстәм Равилов Татарстан Республикасы Дәүләт идарәсе, мәгълүмати технологияләр һәм элемтә Цифрлы үсеш министрлыгы коллегиясенең Бәшир Рәмиев исемендәге ИТ-паркта узган утырышында катнашты.

Чарада Татарстан Республикасының Мәгълүмати технологияләр һәм элемтә тармагының 2023 елдагы эш йомгаклары һәм 2024 елга бурычлары турында фикер алыштылар.

Утырышта шулай ук «Россия Почтасы» АҖ идарәсе рәисе Михаил Волков, РФ Цифрлы үсеш, элемтә һәм массакүләм коммуникацияләр министры урынбасары Александр Шойтов, Татарстан Республикасы Раисе ярдәмчесе Альберт Гыйльметдинов, Татарстан Республикасы Дәүләт Советы Рәисе урынбасары Юрий Камалтынов, Татарстан Республикасы Фәннәр академиясе президенты Рифкать Миңнеханов, Татарстан Республикасы Цифрлы үсеш министры Айрат Хәйруллин һ. б. катнашты.

Рөстәм Миңнеханов үз чыгышында югары уку йортларының кадрлар базасын әзерләүне, шулай ук урта махсус белем бирүне үстерүне билгеләде.

Рөстәм Миңнеханов билгеләп үткәнчә, республикада цифрлы үсешкә ярдәм итү Ассоциациясе уңышлы эшли, ул хакимият органнары, экспертлар һәм ИТ-компанияләр арасында конструктив диалог төзергә мөмкинлек бирә. Ул Ассоциациягә, ел саен Россия Хөкүмәте эгидасы астында үткәрелә һәм катнашучыларның зур кызыксынуын күрсәтә торган Kazan Digital Week форумын оештырган өчен рәхмәт белдерде. Рөстәм Миңнеханов шулай ук быел форумның югары дәрәҗәдә узачагына ышаныч белдерде.

Коллегия ИТ-тармакның иң яхшы белгечләренә Россия Федерациясе һәм Татарстан Республикасы дәүләт бүләкләре тапшыру белән тәмамланды.