14 февральдә Казан дәүләт ветеринария медицинасы академиясе вәкилләре Казан дәүләт энергетика университеты базасында узган циффрлы үсешкә ярдәм итү ассоциациясенең чираттагы утырышында катнаштылар. Республикада университет технологик эшмәкәрлеген үстерүгә багышланган утырышта Татарстан Республикасы Рәисе Рөстәм Миңнеханов катнашты. Утырышта катнашучыларны сәламләп, ул мондый чараларның республиканың фәнни-мәгариф комплексы эшчәнлегенең көнүзәк проблемаларын объектив анализлауга һәм аның алдагы үсешенең иң мөһим инициативаларын тормышка ашыруга ярдәм итүен билгеләп үтте. Ветеринария академиясе инсектариесенең иң яхшы студенты Максим Гаевский акавакультура объектлары өчен кара арыслан чебен личинкалары нигезендә эшләнгән азык өстәмәсе рецептурасын тәкъдим итте. Әлеге проект балык фермаларында һәм комплексларында үстерелә торган балыклар өчен кыйммәтле катнаш азык алмаштыруга юнәлдерелгән.